خلينا حلوين
______
لو هتلوم على قلبي
في حبك
متلومنيش
لو فاكر راح أموت
من بعدك
لأ هعيــش
إبعـــد قد ما تقدر تبعد
خد أيامك والحنيه
واجرح قد ما تقدر
فيــا
وانسى عذابي
وانسى آهاتي
وابعـــد
ياللي كنت حياتي
كنت معاك معرفشي
أخبي
حتى إن كانت
دقة قلبي
كنت سامعها أكتر مني
بس بقولها
خلاص واسمعني
لو مغرور
وكبرك وخدك
لو فرحان
بجمال قدك
أنا برضو
في جمالي
مفيـــش
وأقدر أجرح
واهجر قدك
واتعب عينك
واتعب قلبك
بس أنت
متهونش عليا
أنا عودتك ع الحنيه
وكانت فرحة
قلبي وعيني
لما تشوفني
وتجري عليا
فكر يا ابني
وهدى شويه
أصل أنت
مش حمل آسيه
أنا عقلي بيلغي
التفكيـر
لو لحظه خلتني أغير
هقلب
صبح نهارك ليل
من مكري
هتشوف الويل
اهدى كده خلينا حلوين
زي أي اتنين عاشقين
هات
لموناته وعقدين ياسمين
وأنا هكتب
على إيدك غنوه
وأتغزل
في عنيك الحلوه
وأنـت
خد حزني وخبيه
.........
بقلم
منى الجلاد
0 التعليقات :
إرسال تعليق