رباعيات الأحزان (( قبر أمي ))
( للحزن في قلبي مكان )
خفت لما دار زماني .. . .. واترماني في ليل حزين
ضلمه كحل والأماني .. . .. غايبه عني من سنين
دمعي كان في عنيه ساكن
كل ذكرى في الأماكن
لسه فاكر .. . .. أيوه فاكر
رحت عند قبر أمي .. . .. والتقيت حبك في دمي
مهما كنتي بعيدة عني .. . .. أمي أنتي حتة مني
كانت دموعي بتجري على الخدود سيول
عشت فاكرك آه يا أمي مهما كان بعدك يطول
عشت فاكر كل لحظة حب .. . .. كنتي بتدهالي
لما كان بيخني زمني .. . .. ولما كات تقسى الليالي
أترمي في حضنك ابكي .. . .. واترعش قلبي حزين
كنت اشوف جوه في عنيكي .. . .. نظرة الخوف والحنين
أنسى كل جرح فيا لما أسمع صوت دعاكي
ما أنتي وحدك حاسة بيا ما ليش يا أمي غير رضاكي
وتقوليلي قوم نصلي ونتلي قرآنه الكريم
مهما ضاقت يا ابني أصبر ربنا أصله كريم
يا ملاك في الجنة يا أمه
تحت قدمك الف جنة
موتي لكن باقية فيه
قلبي يصرخ ألف آه
قبر امي انت روحي بنسى كل هموم جروحي
غصب عني يا قبر أمي ما انت فيك أمي وروحي
كلمات الصدق
فارس الليل الحزين
محمد عطيه محمد
0 التعليقات :
إرسال تعليق