اللي بين = كلمات خالد الكردي ---------- تحيات جدو عبدو

----------

اللي بينا

--------
اللي بينا مش غرام 
حبه مشاعر ع الورق
اللي بينا كان كلام
كان وقت م العمر اتسرق
كان دور غبي بتمثليه
ونتيجته قلبي اللي اندبح
كان وقت حابه تضييعيه
مش فارقه قلبي اللي انجرح
انا كنت خايف اظلمك
واجرح مشاعرك بالفراق
وتعدي لحظه وألمك
رغم اني حاسس باشتياق
نص عمري الاولاني
عدي مش هيعود لي تاني
عدي مني وانا ندمت
راح عشانك مش عشاني
عدي كان مليان جراح
ايوه باندم انه راح
نص عمري فيه شبابي
عدي ليل من غير صباح
بس لاء ده خساره فيكي
قلبي مش نادم عليكي
قلبي كاره حتي اسمك
عمره تاني ماهيشتريكش
انتي حبك كان سراب
حتي بعدك مش عذاب
قلبي مش حاسس بهجرك
مهما طولتي الغياب
اللي بينا مش غرام
اللي بينا كان كلام
------ اللي بينا -----
كلمات
خالد الكردي