بدون رتوش = بقلم /خالد الكردي ------------- تحياتى جدو عبدو

------------

بدون رتوش

----------
لما الفقير يلهث يدور
ع الرغيف ولا يلقاهوش
وزمانا صابه داء 
العمي ولا بيشوفوش 
والدعوه توصل للسما
واحنا البشر مابنسمعوش
تبقي الحياه متلخبطه
وحروف كتير متشخبطه
والبرد محتاج للغطا
ويمد ايده ماندلوش
والبنت تندب حظها
والعمر يهرب منها
والحلم مش من حقها
ليه ماتعيشوش
والاب تعبان م الشقا
واللقمه لسه معوقة
اسعارنا غاليه مولعه
لو مش عاجبكوا ماتشتروش
اياك تقول انا حقي راح
او مره تبكي من الجراح
راح يجبروك تطلع معاش
حتي المعاش ماهتقبضوش
العزه هربت م الوتد
والام باعت ف الولد
وهو ده حال البلد
من غير رتوش
----- من غير رتوش ----
كلمات 
خالد الكردي