انا يا حبيبتى بحبك موت اشعار \ علاء حشيش ----- تحياتى جدو عبدو

هذة الابيات غزلية هزلية ساخرة
بعنوان \ انا يا حبيبتى
*****************
انا يا حبيبتى بحبك موت
لما بشوفك بحس بلهفة 
لهفة عاشق للملكوت
دقات قلبك لحن جميل
بيصحينى كل ما اموت
وانا يا حببتى بحبك موت
نغمة صوتك تغريد بلبل
بيفرح قلبى المكبوت
انا يا حبيبتى بحبك موت
ورد خدودك تفاح احمر
خلى الكل يطق يموت
لمسة ايدك شحنة طاقة
كهرب جسمى السفروت
وسطك شبة القوس والدايرة
بيخلوكى ملاك جبروت
انا يا حبيبتى بحبك موت
ثغرك نونو خاتم سليمان
لما بدوقة عسل ملكات
حتى اسنانك صفين لولى
متقليش مرجان وياقوت
وانا يا حببتى بحبك موت
رمشك سحرة فاق الوصف
خلى الصبار يطرح توت
انا يا حبيبتى بحبك موت
شفت الليل فى سواد شعرك
طولة عدى حدود الخصر
الرمان طرح فى جناينك
بعشق اكلة صبح وعصر
خطوة رجلك ليها حلاوة
عايزة يا قلبى كاتم صوت
انا يا حبيبتى بحبك موت
اشعار \
علاء حشيش